Damary P Hlychho -Beipa reithai heih awpi Lyrics

Words : F.C.Minela

Tune : Damary P.Hlychho(Welden)

1) Lôhkhy viasazy chhao ta Beipa chakaona daihtizy,

Kei dei ei rohpady chah lohlie raihthlih palona;

Lyta eima reithai heih aw tly ?

CHORUS

Viasa thokha thina lytlâh khô ha ei,

He lei râh lia raithlih chhao achhaih h’rei si;

Ngôhkhihpi lia lyta Beipa reithai heih awpi.

2) Krista thâtihpha vâta riethei eima tao lahpazy,

Eima pahrâna râhzy tahmâ ânano khai haw!!

Vâ apasa rima chala chhaih khao leina râh;

Beipa chhuahdy vâpeirâh ngia cha.

3) Tahmâ he lôhpasa ta chhaihna lyubie ahlâ h’rei si,

Beipa ta miah pahmo aw noh chhâna noh rôhnah lia;

Chatita chhaih chiepazy chhao hmia hmô heih awpi,

Chhaihna bie reih khao lei awpa ta.

Damary P Hlychho - Kei dei na siesai aw vei Lyrics

Composed By : F.C. Minela.

1) Chiehleinazy,Rairunazy,ei chô liata vaw tlô tyhpa he,

Vaduana ta rao h’raw sala akyhpachâ ngiachhiena;

Keima lia palâsatuhpa a châ.

CHORUS

Lyna chô ta ei chakao aw,

Rairuna hlu hrasa;

Kyhpachâtuh Bei Zisu ta,

Rairuna lia kei dei na siesai aw vei.

2) Kyhpachâzy pha n’awpa ta angiachhiena khokheina raihhria he,

Chyhsa sona pahnona ta âpha thei vei âthu zie;

Thlahpa lâ sawzy deilei pata cha.

3) Keima liata rairuna he nohto ta poh via rili hrasa,

Ngiachhie chakao raihhria liata thazei pata y aw va;

Beipa cha papho leita ei zi aw.

Damary P Hlychho - Ei hnohta y mah y Lyrics

Composed By : F.C. Minela.

1) Zisu Zisu Ei palôh liata bie vaw reih chanei heih la,

Ei ngiapâna he tha napatlo teh;

Na bie leita keima lia hmotaotheina rai y vei.

CHORUS

Nâzari Zisu kei na khosai kha y,

Nâ leita keima he,he khizaw liata;

Baotuhpa hro rai hnei va,

Ei hnohta y mah y.

2) Zisu Zisu He khizaw liata na daihti nâ hmah no ta,

Palôh hmeihseih ta cha hruatuhpazy;

Dytha va chi kei chhao ei chahruana dytha kha y.

3) Zisu Zisu chiehleipazy ta Dawty angiah ty ei ta,

Thatlôpazy ta ângiah vei ei;

Kei chieleipa thachhâpa he ta ei chavâ ngai ta.

Damary P Hlychho - Krista palohru Lyrics

Composed By : F.C. Minela.

1) Bei dyuchhai nah reithaina zydua,

Tlaichhai thei khao leipa ta;

Sei châna tawh eima pua thei n'wpa,

Thina Kross âvaw tly haw!!

CHORUS

Bei Zisu hneituhpazy,

Chopho ngiana dei tlua khao leipa ta;

Krista palôhru ahly khei pata;

Chakaona raih hria bâ s’u.

2) Zisu Krista,he khizaw liata,

Achareina daihti lia;

Viavi-pa nah ano vâtuhpazy,

Ama hnoh âpahlao tyh.

3) Khihsa tohtu rairuna vâta,

Sie thâi khao leipazy he;

Ama thlahpa nata sapa hrona,

Pachha amâ ngiah ngai ta.

4) Awnano lia eima châna he,

Adaih tah thlâ leipa ta;

Kyhpachâtuh kyhpachâpazy he,

A O lâ âchhi ei s’u.

Damary P Hlychho - Ei bohna na cha Lyrics

Composed By : N.Beikyhpacharona.

1) Hy ei pachhatuh nâ chatlaituhpa,

Na kyhpachâna,ngiachhiena lia deilei cha;

Kei moleipa he ei thlahloh thei vei,

Ei bôhna thokhy nâ chatlo chita.

CHORUS

Hy lôpanô ei nyuna nacha,

Thlihpi rupa hry liata ei bona na châ;

Moleina tily ruta nadô hrasa,

Naku thatlopa lia bohpata ei pahâ haw.

2) Ei pathipalôh zydua chhaota,

Ei chapado hy Beipa nachhy mah y;

Na kyhpachâ,ngiachhiena lymâ haw,

Na pachiâna hawhta napa bôhsa.

Bride

Na bie raopa,napahnosa la,

Kei cha khaina chatlôta;

Ei hrona heta na bie raopacha,

Apazo kawdia.

Damary P Hlychho -Saduthliena ta apha leipa rah Lyrics

Composed By : F.C. Minela.

1) Ei khihtlyna râh tawh ta,

Ei ngiapâna ta vâ râh chahryna;

Ei khiahlôh na palie reithaina pyuta,

Cha râh tlô n’awpa ngiahtiah va.

CHORUS

A rôhnah zie nah angiana zie cha,

Chyhsa paka palei he ta;

Reipasia achhua mawhsala âthei aw vei,

Saduthliena ta âpha leipa râh cha tlô ta.

2) Hrona chava kiahzy cha,

Sai laih ei sila mota hmopa cha;

Angia leipa y vei cha râh zydua cha,

Pyungia to paryna râh cha.

3) Ei khihtlyna daihti he,

A vaw chhâ lita lei râh ei kho aw;

Ngôhsua khihpi cha ei kaw tlô hra aw,

Chalia tlyzaw ei pahâ aw.

Damary P Hlychho - Pahniena poh zawh ei s'u Lyrics

Composed By : F.C. Minela.

1) Hy Mara saw zydua sai u,

Nathlie ula â hra t’u;

Thlahloh pata eima y no,

Chhiena rarôh y eima tyh tlamaw aw.

CHORUS

Reipachhie ta eima y ngâ hai,

Kuhchha ta eima y thlathli awh ma?

Zohna Meihdo ta miah a khu hlâ ta,

Pahniena poh zawh ei s’u Krista moh ta.

2) No chhikha tawhta puapazy,

Apôhkha thei khao mahpi;

Lôh pasa âchhih rima cha,

Râh thyutlia zydua ahra bâ ei s’u.

3) Râh khotho lâta a ypa,

Mara saw zydua sai u;

Namâ liahri tlohna râh cha,

Moleina vâta ârôh ngâ he zaw!!

4) Eima Missionary zy cha,

Zawda haosâ kiah ha ei;

Ama raihhria pazao awpa,

Thyutlia riahphapa thyu bâ ei s’u.

Damary P Hlychho - Sai na ai vei Lyrics

Composed By : J. Vialua.

1) Ama reity haosâ râh ei ngiabah chai râh pha cha,

Yru khiahlôh lieta he lei tawh na he sai na ai thei vei;

Sietuapa nah vânawh lôhkhyzy aki ei,

Khizaw he hnochhyta vâna rai hnei veih ei.

CHORUS

Ei sai chah râh rôhnah tlo ângiatia va,

Vâ tôtâ nah serafimzy hla ngia paryhna khi;         

Chalia chhâzaw Bei nonai pawti zyh ei,

Heileipaw thlie ta he khizaw sihno chhy ei;

Nohlychhi-lei khizaw râh tawh sai na ai vei.

2) Lolei pata Bei Nonai râh pha tobicha,

Angia zie reitiahlei saron pawngia pawna Beina râh cha;

Sietuapa nah vânawh mopathai khihpi cha,

Lei rietheina hnochhyta khati ei tlô aw.

3) Mohtua U,Vâ peirâh mopathai khihpi ngia cha,

Thina pacharohna,Machhiesana y vei khihpi ngia lia;

Chhôhnah zâ rai y vein oh khaina angia vei,

Mietakutaw rôhnah akhai khihpi ngiâ lia.

    

Damary P Hlychho - Reithaina hla eisa aw Lyrics

Composed By : F.C. Minela.

1) Reithaina hla ei-sa aw,

Ei sa laih lymâ aw;

Kyhna pachâtuh Bei Zisu châta,

Reithaina hla ei sa aw;

Mohthlih tlano chhao ta,

Beipa lia ei lyna he ei thatlôna achâ.

CHORUS

Ei ao hnei chhôh zydua he ta,

Reithaina hla sa aw sala;

Reithai khai thei aw va,

Ei Beipa cha ei reithai aw;

Ei hrozo chhâkha zydua lia,

Râh khaih ngia ei tlôhna taih chhaota.

2) Reithaina hla ei sa aw,

Ei sa laih lymâ aw;

Pacharôh pata ei yno chhao ta,

Reithaina hla ei sa aw,reipachhiena hry lia,

Beipa lia ei lyna he ei thatlôna a châ.

3) Reithaina hla ei sa aw,

Ei sa laih lymâ aw;

Riethei taopa la ei yno chhaota,

Reithaina hla ei sa aw;

Chakaona raihhria lia,

Beipa lia ei lyna he ei thatlôna a châ.

Damary P Hlychho- Zisu ei viasa pha chai Lyrics

Composed By : F.C. Minela.

1) Zisu ei viasa pha chai,

Ei moleina ty tho awpa ta;

Riethei taola torai taopa ta,

Molei chaipazy thina su;

Chhiesana tho Kross liata athi,

Chhazaw hro ei hnei haw.

CHORUS

Hrochhôh ei zi lymâ aw,

Riethei rairuna lia chhao;

Khizaw ta aheisâi hrasala,

Kyh nâ pachâtuhpa cha;

Keila aheisâi thei khao vana;

Ei pahno pasia Bei Zisu,

Kei châ asoh zie he.

2) Zisu ei viasa pha chai,

Ei châna zydua apahno khai;

Amoh vâ pasa ei tao nota,

Ano tlâi chhao apasa tyh;

Mothlih tlano na siesâi beih vei,

Ei hnohta a y tyh.

3) Zisu ei viasa pha chai,

Ei nopona daihtizy liata;

Thlah na paloh tyhtuhpa a châ,

Ei ngiahpa maih eina pie tyh;

Ei kha hmahta nâ heisâi beih vei,

Kei châta ngâ âchhi.

4) Zisu ei viasa pha chai,

Ano ei vâna rai pâi thei vei;

Zisu ta kei kyh eina pachâ,

Kei chhao ano kyh ei pachâ;

Ano khopa tao lymâ pa he,

Ei lyna chai a châ.

Damary P Hlychho- Beipa na ngiathai mah y Lyrics

Words : F.C. Minela.

Tune : S. Pity.

1) Krista kyhpachâna pahno-thai leipa hawh ta,

Ei daihti nah nohzy ei khozie hawh vaw hmahna;

Kyhpachâtuh palôh cha khatlu apasa aw tly?

CHORUS

Beipa na ngiathâi mah y,

Thaichâna rai hnei vana;

Na sei pakha haw chhâta,

Cha h’raw pata ei ch’aw ngai.

2) Siana rai hnei leipa,pathi palôh pualeipa,

Chyhsazy pachata thi tla ta ama raopa;

Khâzia atanoh taihta khâ eina thei thlâ ha tly?

3) Ei moleina vâta kyhpachâtuh hmia khochhih,

Chyhsa hlupizy ta vaw hmo thei tlâ khao veih ei;

Thina lâthlô chhihpazy keima thailei va a châ

Damary P Hlychho_Lyna chota ei reithai awh Lyrics

Composed By : A.Beimopha.

1) Ko hlupi pavia sai h’raw sala,

A chyhsa hma pata khâ na tlua ty;

Molei thi zohna tawh eina pachha haw,

Lyna chôta ei reithai awh.

CHORUS

Reipasaona tilyzy ei chôta ru hrasa,

Kyhpachâtuh Bei Zisu ta hmia nasapa awh ta;

Moleina tily cha chi leita ei chaka aw.

2) Reipachhie,mohnao,rietheinazy,

Ei chôta nohto vaw tlô tyh hrasa;

Kyhpachâ ta hro nâ pietuh Bei Zisu,

Hnochhy leita khâ eizi awh.

3) Khizaw ta hnochhy ha hrasala,

Keila hno chhy theipa châ khao vana;

Ei châta su achhua dypa y tlô ta,

Nohto ei pangai laih awh

Damary P Hlychho -Beipa reithai heih awpi Lyrics

Words : F.C.Minela

Tune : Damary P.Hlychho(Welden)

1) Lôhkhy viasazy chhao ta Beipa chakaona daihtizy,

Kei dei ei rohpady chah lohlie raihthlih palona;

Lyta eima reithai heih aw tly ?

CHORUS

Viasa thokha thina lytlâh khô ha ei,

He lei râh lia raithlih chhao achhaih h’rei si;

Ngôhkhihpi lia lyta Beipa reithai heih awpi.

2) Krista thâtihpha vâta riethei eima tao lahpazy,

Eima pahrâna râhzy tahmâ ânano khai haw!!

Vâ apasa rima chala chhaih khao leina râh;

Beipa chhuahdy vâpeirâh ngia cha.

3) Tahmâ he lôhpasa ta chhaihna lyubie ahlâ h’rei si,

Beipa ta miah pahmo aw noh chhâna noh rôhnah lia;

Chatita chhaih chiepazy chhao hmia hmô heih awpi,

Chhaihna bie reih khao lei awpa ta.