Friday, 10 July 2015

Kheita eina chhy aw

Comp By : John Beizachhi Phuto
Artist : vasty T.Azyu feat John Beizachhi Phuto

1) Pawmai zydua vawsaina,
Nahaw lohnapanga tupa,
Ei chhoso khiahlo tla nawpa,
Chhaolei cholia y vei ei.

CHORUS
Kyhpachana lyubie paru hla awhsala,
Kheita einachhy awhtly,
A chhoso lia keicha suh a y hraw vama?
Kheita eina chhy awhtly.(2)

2) Ei saduthliena tacha,
Chhithai nama na kei he,
marathyutlia.com
Baota hrochho akao sila,
Kyhpacha nawhly chhaota.


Tleisai chachhua vana

Comp By : John Beizachhi Phuto

1) Saina aivei,Rianai lâpaw lyubie,
Keivâ nataona chhôsokha.
Lôhpasana vâta raithli lona zydua,
Vawpachâ na ei chhôso vâpi a cho.

CHORUS
Bydi lyubie hlâ thaipa,
Lyuchâ ta vasiela achâta eikyhpachâna,
Ngâh âchhi zie he va chho ma y,
Keivâ ataona raithli zy kha,
Ei kyhpachâna kheihta ei hru khai aw.

2) Thlôchho,naw lôh eipasasa na zy,
Lôh eichapa tlâ leina zy,
Lika haipa lyubie,nathaipa zyduakha,
Na kyhpachâna vâtâ nângiathaila.

3) Pawmai hropa akaolâ awhpata,
Kei chatâ âry khao tlôva,
Ei kyhpachâna zyduata chawhla khaina,
Lôhro phaota tleisaipa châ chhuah vana.

Eichaw ha aw

Composed By : John Beizachhi Phuto
Artist : Christy C.Ngohly

1) Hlâ daihti tawta ei kyhpachachai,
Chava ti kua pa hawta chaw hana
Chahrasa na pawngiana zydua,
Khydi hrolia na lo dadei aw ma?

2) Laila hrozy deina apawla ei
Keidei lo panga tupa hnei vana
Raithli chhaota vala dei zona
Khati keicha lyna no chhi aw tly.

3) Zasa pawmai zyla hlu hrei sala
Nahaw lo napanga tupa y vei
Nathie rili aw ei chhoso lia
marathyutlia.com
Loduh siehno navawkua hla lei cha.

Apasa rima cha

Comp By : John Beizachhi Phuto 
Artish : Thomson Hralochho 

1) Ei Chhôso lunawpa khiama eivawta hainota, 
Rianai khapa lohpi phaopata lohro naphao haw,
Ei chhôso ta ataozie thai vana. 

CHORUS 
Aw keichâ apsarimacha, 
Veilâ kyhpachana lyubie dei naw hlâ chi, 
Khazia lyubie eimapary no nakha, 
Napachâ na dohpa cha einaw chho chiva. 

2) Rianai na cha ei chhôso zydua avaw paruana, 
Pawmai hripazy hnochhy pata nacha avaw hlana, 
Chahra nadei lohro phao tlo chi.  

3) Na cha ei taona zydua kha,
Eivaw rohpady cha, 
Kei rairao vadua lomao,ei hrozo chhalia my 
Awhva,Ei chyuthei leino atlapata Mapha.

Eina Khochai

Comp By : John Beizachhi Phuto

1) Viapa châdi thaina opivaw,
Chhôhno rylia keidei ta,
Oh...oh.. kyhpachâ tu hneilei pa haw,
Aru lata raithli palo laina,
Vyhpia nawphaotu einô hmiahmô pa,
Angia tiah khao vana.

CHORUS
Einô hnazô,sâhmia eivâ baocha,
Eipha nawpata ato atao,
Eina eina khochai,
Kyhpachânata napachu,
A-ao pyungiapa zyduakha,
Myna nohrai hnei awhvana,
Eina kho chaino kha.

2) Nopi vâta mokurama chhao,
Khai theileita,khophei chotaw,
Oh...oh.. Khydi lomao ei chhôso lia,
Nopi thangiana lolie paithei vei.

3) Molaki thlao râh tawta siehno
Lyhpata eivaw kua tita, marathyutlia.com
Oh...oh.. Eino hmia hnazo ei hmo ti,
Lyh pata bah-lia eicha ao aw.


Pawhaw athie rili

Composed By : John Beizachhi Phuto
Artist : T.Beirapha

1) Thoso paw zyla lo hrei sala avaw paw chanei hei ty,
Noh na,thla,kohzy,kho hrei sala,
Koh chadita avawthie hei tyh.

CHORUS
Oh...,oh...,lolie achhie lochona noh kho tyhpa he,
Tilo pa haw kho rama haw acha
Vawkua thaipa cha khao vei,
Chhoso lia deina pawhaw athie rili.

2) Hazo vaw chhita chothlapino avawkhai hei cho valia,
Hnola daihti eina patheisa,
Khiahlo lieta raithli palo laina.

3) Ziazi haw ro eima kaona tla keidei vaw chahry laina,
khiahlo lieta rala thoso rylia,
Keidei riela sopavaw haw viana.


Saingavana

Composed By : John Beizachhi Phuto 

1) Chhôso paloh ta chavaw ha tyna, 
Rianai khazia la eina tlei sai ha chi,
Lyubie paru ei chawhla pa zy kha, 
Ava ziza lia ma apai khai aw. 

CHORUS 
Saingavana eima kao na tla zy,
Loki pata akao hreilei na zai zy,
Eisai cha rama haw acha khai he zaw \
oh..,oh..,saingavana. 

2) Lyubie paru chawhla khaiha tlona, 
Rianai khazia chhaina lyubie einaw hla ha chi, 
Ngachhina lyubie einaw hlapa chi kha, 
Ei chhoso marathyutlia.com lia pawhaw athie rili.

3) Chakhiala rianai lytla cha khola, 
Hno nachhy hapa rairao keideita, 
Na thangiana lolie vasa taopata,
Hrozo chhakha eivaw hma ba aw.   

Kyhpachana Paw

Composed By : John Beizachhi Phuto
Artist : S.Abraham

1) Rianai eima kaona daihti zy,
Navaw pacha ty hra ma?Na chhoso lia
Ei chata napawna daihti zy
Hazo rama haw deita alei hana
Oh...,Keidei ei raithli chhaota
Eima kaona tla zykha vaw chahry na.

CHORUS
Baota akao hreilei laipi
Ahy thangia leita lai zaolao pi.

2) Sadu thliena hawta cha khao vei
Chhazawta opi hmaokha pary pata,
Einaw hly nopi cha awpata
Chhoso kyhpachana ta chavaw ro tyna
Oh...,Ei chosu awpa khiama chawta ty na
marathyutlia.com
Loduhno apei tu na.




Rama la chha

Composed By : John Beizachhi Phuto

1) Ei cho nohly vawtlata,
Hazo vawchhita mokurama khaina hneilei,
Riela rairao vialaipa haw.

CHORUS
Kaola hneileipa haw viana,Keideita loh eirie chai,
Achareina lacha chhosota rohpady lai nachota,
Hazo mokurama khai thei vana,Rama lachha akao ei si(2)

2) Na kyhpachana kuzo kha,sai chanei tyhna,
Khiahlo alie saina ai vei,ei changiana noh,
Arei baocha.

3) Tyh heina noh vawchhi tita,
Eily aki awh,hnazo hmolei chho ei lolie,
Na lyubie zy ei chaw hlâ aw,


Kei la ama hawpa na ei khoh


Composed by: - A. Chhualai

1). Ei rohpady ei khiahhlo na lie via,
Rihkha unawhzy hra lo ha ei;
Ama hmia hnahzo hmopa rai y khao vei,
Khiahhlo na lie chhohso va a sah;
Marapa saw O lyu nah rahzy,
Noh tato ta zao lyma ei;
Kheihta eima tao aw? Lailah zydua saih u,
Duah sai pacha khoh tua s'u.

CHORUS
Daihti hra cha miah ha tloh va !
Noh nah dawhzy kho lyma ei;
Ei kho hra ha vaw kua khao tloh va,
Kei la ama hawpa na ei khoh.

2). Vati phana rah hmah phazy,
Ama rao khai dahdei aw he zaw!
A chhoh liata sa chi to nah vaw tozy nah,
Nga chi tozy chhai ama leidia khai haw he zaw !
Ama leidia khai hla heta keimo Mara saw,
Manoh zydua ta, pabohsana tlarai hria khoh tua suh u.

(Bridge)
Taotuh ronah ta miah piepa rah,
A chhoh liata hmoto a ypazy he;
Pasa thai tah hma thai a chhuah tua suh u,
Eima cha ...... a.a.a.
Daihti pha chyuta eima hnei chhoh,
Pakhosa thlahthli thlah ha leipa ta;
Paso thai tah hmah thai a chhuah tua suh u,
Eima rah cha, tiama nah ngachhihna hneina cho ta;
Eima rah cha hria suh u.


Mara Saw a Daodo s'u

Composed By: A. Chhualai

1). Eima pina Mara rah Cho Khazoh ta miah piepa rah he,
Chi hro pho hrozy ta miah ama disao aw ma?
Disaopa pho awpa ta cho Khazoh ta miah rao veih y,
Kiahsah lyma awpa nah laiseih lyma awpa,
Nah tlao eima cha.

CHORUS
Marapa sawzy a daodo ei suh u,
Kyh apacha raihrie chyu suh u;
A isi khah ei suh u,
Chi hro pho hrozy hmiako liata,
Amo pahnainazy hnei lei ta,
A khokhei chyu suh u.

2).Chi nah pho ativypa hneiropa nah riahphapa cha awpa ta,
Hmoto taona lyh liata,
Keimo he a pahro thai ei sih la,
Cha tita la, chi nah pho rah nah leilo
A hu ahieh ha aw.

(Bridge)
Eima rah he a rao hana tah tloh pi,
Taopathi hmeiseih a chhuah pi va;
A reih tah reih nga lah he la cha vei,
Tha nah soh nahta tao hmeiseih a byuh hih.


Na Reih Zakhei Kha


- A. Chhualai

1. Marapa rah he ahy eih maw?
Marapa saw eih cha vei ma?
Marapa reih he ahy a cheih aw?
Marapa thlyu he cha ma pi ma?
Khazia rai maw eima zakhei kaw?
cho Khazoh ta miah piepa tlai.

Marapa rah mohohtuh awpa he,
Marapa saw he cha ma pi ma?
Marapa reih cheihtuh awpa he,
Marapa thlyu he cha ma pi ma?
Khazia rai maw eima zakhei kaw?
Cho Khazoh ta miah piepa tlai.
Va Khazoh ta miah piepa reih
Pasona chah pahno via tua s'u.

2. Totie zydua ei vaw rohpady chah hrata,
Chhohsoh lohhiana rai ta za pai thai khao veih y, kaihna he,
Laihna Mara rah hropa hra y tlah va,
Mara saw zydua saih u, dua sai via tua s'u,
Eima ti nah rah nah leilo nah reikah he, 
Keimo tlai ta chhohso hmeiseih ta kokih suh u.

Na reih zakhei kha, cheih lyma teh,
E cheih lyma teh,www.marathyutlia.com
Na reih zakhei kha, cheih lyma chah chi,
Cheih via chah chi.

Keimo Mara sawzy pi he reihzy zakhei ha ta,
A rah leilozy pahlei-pahlo hatuhpa;
Eima cha awpa rai cha vei,
Eima reih nata rah leilozy eima pahlei-pahlo ha lei nawpa ta,
Cho Khazoh ta Puhpa Vaili mahpaw vaw tuah ta,
Miah a vaw pachhosa khai hapa kha,
Khizaw soh thih eima vaw pahla no ta,
Eima Ohmo, sahdo rah, leipaliezy,
Eima vaw pahleipahlo hapa chhaota,
chi hro pho hro hnoh ta pahleipahlo leipa ta,
Keimo eima chi heih hnoh cheingei ta,
Pahleipahlo tlao a chhuah suh vy.

Cho Khazoh ta miah a piepa reih nah,
Rah leilo hmoto zydua he zakhei hapa nata;
Pahleipahlo thlah ha leipa ta,
Tla dao via rili lyma suh vy !!!......

No to paw tozy, satlia nah laihsazy,
Sawnawh zydua saih u,
Duah sai pahsi via tua suh u,
Ti nah rah nah reih he pabohsa awpa ta,
Keimo ku liata ngalah ta na a pahnieh thlah ha e.
Hyutu nawhzy saih u, a thai a sonawh zy,
A thai lei via nawhzy chhao ta paloh a hmaohkha ba suh u,
Chatina cha reih nah rah he a vaw boh khai ha ba aw.


Veihseihna palohhahna

- A. Chhualai

1) Hlano mahno mahpaw zy daihti liata,
Hro ngia chaipa ama za hneipa cha;
Veihseih palohhahna hro a ngia chaipa khawh !
Atahma thyutliazy chha lia deikua hmopa a soh kaw ba na,
Veihseih palohhahna hro a ngia chaipa khawh !

CHORUS
Veihseihna palohhahna
Thyutlia saw saih u, pahro heih ba ei suh u,
Unawh saih u, duah thyu tua s'u,
Hlano mahno mahpaw hro a ngia chaipa nah pha chaipa,
Veihseih palohhahna hmah ba heih ei suh.

2) Atahma keimo thutlia sawzy pi la,
Eima hro a ngia khao vei,
A chieh lei viazy baona chah eima phahla haw,
Opa lyuhrizy a saiheina nah achakuhchavei chaihzy chhao,
Hnei thai khao ma pi, a hra ha tua suh u.


MARALAND EI PINA


1. Maraland ei pina ei laiseina,
    Tipaso nah thlihua zy chareina;
    Rainô, Sôpavaw to pary na râh,
    Pyungia râh ei pina ei laihseina.

           Hy nâ ngia pachai ei chareina,
           Pawpi pawngia to zy su paryna;
           Tupi thosôh, tlahto meithâh zawhna,
           Maraland ei pina ei laiseina.

2. Ei khi bôhpi Siaha, Saikao, Tipa
    Zyhno, Chapi, ly pata chareina;
    Avâ pi, Tisôpi, Tisi, Beinô
    Zasâh moh rei chai Palâ tipo chhao.

3. Lôkhy viasa chhao eima chareina,
    Maraland chhôhso ky ei cha pachâ;
    Tlôsai, Vyhtu, Zyhno, Hawthai, Chapi,
    Lyta hlasapi eima râh pha lia.

4. Ei râh ngia lo lei ta paw patlyh la,
    Chô Khazoh ta cha hrôbie lymâ se;
    Na sona hmasiena sâh lymâ se;
    Maraland ei pina ei laiseina.


HMATLÂ CHANÂ


1. Chi nah pho ta rei tlâh leipa Marâ sawzy,
    Chi nah pho, ti nata râh, o nah lyu;
    Khotalai ta ryureina, chô kHazoh ta miah pie haw,
    A râh hneituhpazy a hra bâ suh vy.

           Mahnô-mahpawzy ramâ hawh châ hr’ei sa,
           Maraland kyh ama pachâ vâta;
           Thina taih ngâchhihpa ta hrâsie ei,
           Na râh châta khâpa e na tao hra aw?

2. Tiamana, ngâchhihna, adona hmâpa ta,
    Hmâtlâh eima châ n’awpa kao chyu lia;
    Eima râh paw hawh lo awpa kyhpachâna chô ta,
    Padua pathina rai hria lymâ suh vy.

3. Tiama he hlaotlohna thaby châ tlôh ta,
    Raihriatuhpa cha hlao hmô tlâh a châ;
    Na palôh ta, ku ta rai hriapazy pasâhsa la,
    Tiamana he râh hmahsiena châ tlôh ta.

4. He he na râh châ hmâtlâh na châ n’awpa,
    Thaina, sona lia tiama lyhlia la;
    Chata na pawti cha na râh ta vaw zyh aw pi ta,
    Maraland he pawpi hawhta a pawh aw.


EI VAW PI KHEI EI REIH CHEINA


1. Ei vaw pihkhei ei reih cheina,
    Hy alei awpa pasai vana;
    Pasô ei si a ngiana zie,
    Thyutlia eima daihti chyu ta

           Khazia ei reih ei pa hlei aw,
           Chô Khazoh eina pie pa cha;
           Pasô ei si a ngiahna zie,
           Thyutlia eima daihti chyu ta.

2. Sietanô nata unawh zy,
    Eima locho noh daihti pha;
    Eima râh phana pachâ s’u,
    Thyutlia eima daihti chyu ta.

3. Lo mâh khala ei reih cheina,
    Daihti pha miah khô sai hlâ ta;
    Eima râh pha n’aw pachâ ei su,
    Thyutlia eima daihti chyu ta.

4. Hy! Sai suh vy, ei lôhkhy zy,
    Mahnô- mahpaw daihti zy kha;
    Eima hmialâ pangai bâ si,
    Thyutlia eima daihti chyu ta.


Thursday, 12 March 2015

Composed: - H. Solo

Khono nydi lyuhbie chaw hla vei ma?
Khazia la eina tlei sai ha chi?
Vaw kua thai khao aw va chi ma, Rianai,
Ei tah ngah lei no chhithai no kha.

Tlahpada to ei hryna maih liata,
Tuhpi Kaliano hawh cha ngie na;
Vahihsyno hawh ta ei cha ngia tyhpa,
Rianai lytlah na kho ba aw ma?

Zahnia ei rama lia chhaota khono,
Na tha ngiah lyuhbie paryh laih na;
Lohlie dei he ma rairao ei chha lia,
Ei tovyuhpa vaw cha ha tly i?

Sikhoh riahzy chhao chi leita Rianai,
Na tha ngiah lyuhbie paryh laih na;
Na kho awpa khiah chhaihna bie reih si,
www.marathyutlia.com
Atlahpa ta chhazaw cha mapha !



Tuesday, 10 March 2015

Sawlakia

H

MTP DANCE

MTP DANCE
MSO JT.HQRS: DELHI


MSO Jt.Hqrs, Delhi

H

Dorcus- Awhsi khaingia pa

Composed: L.Beimokhai

1) Awhsi khaipa khola na khi
Khipi rohna a y;
Chalia sietuapazy
Krista hmiahko liata reihthaina hlangia sa ei'
Leimo thah angia vei ei

Chorus:
Chalia hrona ti a loh
Chalia noh tlah beihlei a khai
Hmachhie phaopa y hra vei ei
Lokhy sietuapa zy ta
He la akhytu tapa ta
Kuta mania akei hai ei.

2) Cha khipi rohna pa lia
Meisakupa a zawh
Machhie sanapazy y hra vei
Noh khaihna raih angia vei ei
Khipi rohna pa lia
Krista khaihna ahly ei

3) Hy cha rah tlohapazy
Krista reihthai pata
Lei mozy va bei vei ei
Khipi rohnapa lia
Nodi dahphina y vei, khipi rohnapa lia
Bei krista dei reihthai ei

Pazi Khaila-Khaini

H

Vathlalo Chozah - Pari satlia

H

J. Vialua-Raithli

Composed by : J. Vialua


J. Vialua- Eicha reithai aw

Composed by : J. Vialua


J. Vialua- Pala tipo


J. Vialua- Grape sado


GALLERY


TISI KAOPI (KHASÔH) THATIH

1. KAOPI YNA SU: Tisi nata Chheihlu lika, Tisi chavahkao liata a ypa a châ.
2. KAOPI YZIE: A chavakao zydua he lokahpa sai chata, akaopita aypa achapa vata Kaopi tahpa a cha, Khasôh tahpa he ahripa apahrôna asopa chi achhipa tahpa chata, Ahripa reina a cha.
3. AKHISANA: A olyu lokah kavopa zydua cha araro y kawpa sai chata. Mochhao apha kawpa nata palao palana pha ngiary achhih kawpa a cha. Anidopa deikua cha Sahra anipa dychhiepa acha ama tah.
4. ANÔCHÂ: Kaopi khaso he nocha phapa, kyhpachana a hneipa ama tahpa a cha. Tlosai thluapa avaw chy tuhpa a thina daihti lia chhaota Ngiacha Sathaw Ngahlaipa ta, thi hla hmapa ta, Ri kaw ha ta, Ri a kaw pathliepa a cha.
5. ACHICHEIPA: a) Sahra (b) Basu (c) Sysadi (d) khachhao (e) Amao he a chicheipa liana heta Amao ngala he nileipa a cha. Chichei hropa zy deikua cha, rah akhipa zyta vaw phao tyh ei ta chyhsa chhaota ama nie tyh hrapa a cha.
6. ASUHMO Y DAH: Kaopi he lokah asah kawpa chhatho hnei pata a ypa a cha. Asana 1/2 km khophie chata, aseina 1 km (sakha) a cha. Achho liata a sa azaopa zy cha; Chakei, Chavy, Sawsaw, Sathaw, Sakhi, Zyngyu, Zysai, Sivia, Akhei, Kheipangia zy ama cha.
7. LOKAH CHHA KHANA: He achha khana he loka sypita sipa chata siviazy, khei opazy yna a cha vata khei osy tahpa a cha. Chakei, Chavy, Zyngyu, Azy, Sawzaw, Sathaw, Sakhi zy chhao arina supha kawpa ta ama hmapa a cha.
8. CHHANONA: Chhanona he loka syta asi lyma hrapa a chata, he chha liana heta achicheipa sysadi nata khachhao yna a cha, he chha he rahsa zy palao-palana sai a cha hra. He liana heta rah akipa zy ta laihsa hmipha kawpa nata pohrao pha kawpa hmo tyh ei ta, cha laihsa cha asaty deikua adi kawpa vata a hmopa maita sadino tahpa ta mocha awna ei ta chavata he lokah chha nona he sadino sy tahpata moh bipa chata sadino sy tahpa a cha.
9. ACHHA THONA: Achha thona he lokasy ta ahneipa cha hra ta, he chha liana heta lokhao 5 ft asapa 9 ft athupa y ta, cha loka cha sadino lokhao tahpa a cha. He loka chha thopa nata achheipa zydua he pawpi angia kawpa chi hlupi yta amo angia kawpa sai acha.
10. ANOTHONO: He lokah chha thona ti thala, mawla dai liata Vatipa yta cha kawpazipa liata loka pha kawpa y hei ta, cha lokapa cha anothono tahpa acha. A loka aza chhana liata tili yta, cha cha anothono-li tah ei ta, ahaosa liata lokhao pha kawpa yta arina pha kawpa a cha. Atahma taihta chyhsa ta eima rina su ta eima hma ngathlahpa a cha.
11. ATISAO TLANA: A chavakao duata lokahpata khaw ta asana la 120 ft chata akawna la 300 ft aseipa a cha. Notla baila liata alo 9 ft aseipa 4 ft akawpa yta cha cha Avahia hmaothy tahpa a cha. Avahia hmaothy tawhta 30 ft pa liata ary lata a khao 3 ft Sgr ta bapahli ta cha khao cha a Ahwsi mo na tahpa a cha. Atisao tlana liata Meisaku zy azaw ta mo angia kawpa raro y kawpa a cha. Ti atlana liata tili lai kawpa ahala 30 mtr ado la10 mtr latho athupa yta. Cha cha amoh satho a hnei; 1) Azino li (2) Kaopi li, Tisao tlana li tahpa ta moh tho ta bipa a cha. Ngah laipa hluhpi pahrana a cha. A tisao tlanali akei chhana nochhi baila liata, Achicheipa, Amao 20 mtr Sqr akawpa yta. Chacha, chysia rôh thlana chata hmapa acha. Cha laikachha liata lokhao liata chysa 20/30 arietheina phakawpa chata, cha su liata alo lomathu hawpa satho abopa yta, chacha khasoh ta abopa ta ei ta, amo cha Arakipa tahpa acha. Cha rakipa cha chysa ta ama hria ngaleipa acha.
12.ACHAVAKAO: Atisao tlanali tawhta, lophiariapa saita yta, chacha Amao pachawna tahpa acha. Lophiariapa, aza chhana liayta Lokahpata apado khapa Tili yta chacha, Amaothul;I tahpa acha. Lahno lahtho apathupa acha.
13. AKHAO APAPAHLI: Tisao tlanali tawhta bapahli khao 2 hneita, khaokha cha Tihnawla 100mtr rachhopa Tili liata akaw pua. Cha tili cha bapahli li tahpa acha. Cha khao cha Nga nazy ama sie pahlie tyhna acha. Ati tlana nata abapahli likaw nochhi daila liata lophiariapa sai chata, arie atyuna phakawpa sai acha. Cha lophiariapa cha asa zawna tahpa acha. Cha asah zawna kialia na chata achicheipa a y pazy cha 1. Basu, 2. Sahra zy a cha.
14. ABAPAHLI KHAONO NA: Akhaono cha Tisao tlana tawta Km.6 Tisi khi nodi laikathi KHAOCHHIE ama tahpa liata akaw pua he khao liana heta Sokhai nata kara-ô zy akhao liata pa thla ei ta Kaopi tisao tlanali liata aza pua hei tyh ama tah. He khao he Kaopi ta salua Tipo asie pahliena lathlo hawta ama reipa a cha. Cha khaochhie tawta a lapi kawsiepa atahma ta Tisi lamua khi tipo chata, cha tawta keisie pahlie heita, N. Laithia ‘L’ Ngazaona khi Tipo cha heita cha tipo cha vahia lanatahpa ta ama reipa a cha.
15. AHROCHHIENA: Atisao tlanali liana chata, Awkhy saipazy, Vao zy eima hmo tyh ama ta ahrochhiena cha mei nata thli nata vasua hmapa acha. Nokha cha Beipa Laichi he Tisao tlanali liata sao zavawta Nga laipa buta ta para hata Abeipa cha a hie hata kaopi ryupi tahpata chyhao sata chana chata alo cho liata achylao nata azai o aso pacha meita aka khai haw ama ta. A chi cheipa ama parao khiata cha thli nata vata apa pho satyh ei akiapa arie tyuna daiti liata ama reika ahlu tuh khiata cha ama hnopo meita aka pa tyh ei, chavata nopaw pazy ta kaopi kiapa he reihlu kahlu lei awpata ama pasyu tyhpa acha.
16. ARAKIPA: Arakipa ama tahpa he lomathu satho hawta achopa yta, chacha alo khao liata ama rie nota kialo ama tahpa ta phiata thy khaihata, azoh ta vaw bo pathi khaihei eita chacha kialo ta eitho la ta parao hata azoh ama liata kialo lopa y tahpa ta chyhao vaw pie ha ei ta, Lyu ama rao nalia ta Kialo cha meita ka hata asa zydua zao khaihata asa dei kuacha meita ka vei ama ta.
17. ARAONA: 1929 pa liata Salua tipo ta kaopi cha kaw chhota, a vahia hmaothy sakha ama thliepa haw alokah chhao varo paraopa eita, chakhai tawta chavala asie pazyta ama reipa cha achava kao chho zydua cha Ka-ua athi chhie pasaita a y thla haw ama tah. Tisi chyhsa porao phapa ama vaw pua tyhpa he khi hro rah hro zyta kaopi Khasoh ama chhy tyhpa vana acha ama ta tyh.
He Tisi kaopi Khasoh su hmohe Sawkhata moho theisala mo pha kawpa nata ngiaryu achhi kawpa nata Shooting nawpata ary ngaitapa a cha.Marahpa rah chho liata Khasoh rohna kawpa sakha acha hravata athati acho kawpata ei vaw roh.

MARA PA HLA NATA LA

Mara hla nata lâ he marapa tawhta avaw thaopa nata aeihrâpata eima hneipa châ khai hlei vei. Marapata eima pathaopa nata laiseih kheipa hla nata lâ he ‘Mara hla nata lâ’ eima tah. Marapa hla nata lâ avaw puana/thaona rei dâh nata pahnona dah alyu tlâ ngyu vei, eima pahnona dâh hawhta ei vaw palâsa. Hla he bie nata ao tawhta avaw puapa châ ta,hla he palôhrupa pachâna tawhta a vaw puapa achâ.Atlâhpipata Palôhtlâna, Alyna, Riahphana, Pahaona, Ngiachhiena,Vâsâna,Chaphôtuna,Angiana,Vâna tawhta avaw thaopa achâ. Hmohrohneipa ao-reihka nata hmotaopa pyury tawh chhaota nata lyurâhripazy tawh chhaota avaw châ hra.

Nôpaw zy reizieta cha Vawbiapa he aotlohpata khihdei hlâta sa tyh ta, Awhkhopa he ‘azaotianana’ tah ei ta, Rainô ao he ‘angiana, palôhliena’ tah ei ta,Tikaropa ao he ‘athipazy ngiana nata chaphôtuna’ tah ei ta, Veitu sâpa he, ‘riaphana nata pahaona’ tah ei ta, Malupawpa sâpa he ‘saiso pahneina’ zy ama vaw tah.
(1) SAWLÂKIA: Sawlakia he Hraila (Syukipa) ta seichanô lâ a pachupa tawhta lapa a châ. Chhaongai bei pôhluh hlai na châta hmâ tuachaipa châ ta, châhrasala he liata ‘sawla’ tahpa châ mâ vei. Ngiaphia Sizo khih kiah Sawkiana by tawhta Sawlakia tahpa he â vaw thaopa a châ .
Chhaongai râh liata Hraila (Syukipa) kia ta, chyhsa a hy hmata pua leipata o liata y khai awpata tlâh aw ei ta, akhihpita o liata ama y. Chhaongai bei nah he tho ti awpa ama hnei khao leipa vâta ama Seichanô cha tho phao awpata chho ei ta, ‘nama cha ama cha nie hapa chhao ta pei vei, tho ti awpa pachhâ ha tlô pi ta’, tah ei ta, ama seichanô cha asaw chhaota Teifai by lâ tho phao awpata sie hata, Teifai by atlô nata Hraila nah cha, chyhsapa lata avaw lie ei ta, ‘khapa vâta ma khisawzy puatlâ tlôh leipa ei ta nâma he tho na vaw phao thla ha’ tah ei ta, Seichanô cha ta, ‘ei beipata thoti awpa pachhâ ha pi ta, tho vaphao la, nama la, ama chanie hapa chhao ta pei awh vei, tho cha vaphao ma y, nata ta, ei vaw sie’ tah ta, Hraila nah cha asaw lapa ei ta, tho apahrei khai nata azibeinô thâtih hiahri ei ta, apazôh nata lyupâh khatai lia ma apua tyh’ tahpa hiahri ei ta, arei khai tawhta, lâ pachu ei ta, liasa athai tawhta tho cha paphao sa ei ta, asaw chhao cha pie ei ta, ‘vasie la haona tlâh na tlô nata hno lâ avaw heih ma y tahpata chho ei ta, Seichanô cha ama reipa hawhta tlâh atlô nata hnola heih ta, chakei lâta alie khai ha ei ta, cha tawhta Hrailapa ama châ tahpa apahno haw.
N.E Parry ta cha “Sawh” he pasana nata hri-ia chyhsa chô liata akia theipa tahpata aro. Sawlâ he chihro phohropa mo-hmô liata kô 1948 liata lôlei liata lâpa a châ. Akbar Hydari India chyhsa Assam Governor hmiatua chaipa Lôlei akaw tly nota lâpa a châ.
Hraila nah cha Seichanô areina hawhta apazô a sâna liata abykhâh ei ta, abeinô cha apazôh a sâ nata aphei parai ei ta, aphei cha ama parai pachhô haw.
Abeipa cha machhiesapata pohluh akhu ta, khapa hmata niekhao leipata do khao hra leipata, bei machâ nata khih nôpaw zydua cha ama pacharôh ngâsa sai ta, ama beipa mâchhiesana pohluh ama pahysa thei n’awpata, seichanô ta hrailâna tawhta la athaipa kha khihchhôh satlia nata laihsa zydua ta a chu ei ta, kyhchhi noh cha abei tlyhmia liata satlia nata laihsa zydua pua pakhy ei ta, abei seichanô ta lâ apachupa cha lâh ei ta, ama lâpa cha abeipata moh ta, apha tah ngâsâ ta,a mâchhiesana pohluh chhao cha hlai ha ta, ama beipa mâchhiesana pohluh ama pahysa thei hapa vâta bei machâ nata khihsawzy cha aly ngâsâ ei ta, ama kyhchhina chhao cha ahlaotloh kawpata apahnopa vâta he hawhta seichanô ta hla aphi :
Ngiaphia Haita nata Lausah vaw nei,
Teifai baula phiethai nei,
Achhopasiana cha:- ‘Hrailapa hnota lysa ei zoh
Teisai by lia eiphei thuana
Tipi by lia thaipahlyno haw achanei rualua na’ tahpata hla ama vaw sa tyh. Sawlakia he Chhaongai râh Teifai by liata Hrailapata seichanô apachupa tawhta vaw lâ lai lymapa hawta reipa châ ta, ‘Sawlakia’ tahpata moh ama vaw bi. Anodeikua he Ngiaphia Sizo bei Mahlei- 1 ta, matu râh zachho ta, Matu bei Khifie lapinô luh ama kaw phaopa he anaoh thao ta, chavyh hawhta ahmiazy ahmi athao khai hapa vâta “Sawh” ahnei aw tahpa chi ei ta, athlapa palôh patlâh leipata cha pha vei ama tahpa vâta, Ngiaphia Sizo kia aby pha kawna liata Chhaongai liata ama lâpa kha he liata lâ ei ta, he tawhta ‘Sawlakia’ tahpata bi ei ta, asu chhao ‘Sawlakiana by’ ama vaw tahpâ haw. Chavâta Mara râh liata Sawlakia ama kia tuachaina cha Sawlakiana by liata a châ. Sawlakia he athipa abei machâ ri ahâ theipa zy nata moluh iana liata zy ta kia tyhpa avaw châ.
(2.) DAWH LÂ : Dawh la he Mara pho la sakha chata, Sawlakia awpa chyhta Sawlakia pathaona awhpata ama lâ tyhpa a châ. Achâhta cha, Sawlakia khai tawhta apazao n’awpata ama lâ thlâh pyly hra.
(3.) THIH LÂ : Thih lâ he Thluapa a thi nota Tisi kaopi liata apahrâpa zy ta ri kaw kia ei ta, khihsaw ri akiapa zydua cha mokuti hie ei ta, phie amâ mô khai ha. Mochaopa nata Nahpâpa ngâlâh a hra ei ta, lyurahripa nah zy ta Viadawh, Dawkho nata Taidawh zy tôpata thata ama lâh, ama lâpa cha nahpâpa ta mohthla ha ta, Viadawh, Dawkhoh nata Taidawh ama tôpa pyu cha thei leipata, mochaopa deikua cha ama lâpa hmô thei leipata, ama pyu nata Viadawh, Dawkhoh nata Taidawh ama tôpa pyu cha thei thei ta, amylâ khih a deih chyta lyurâhrinah cha adi ha ei ta, amâ di tawhta zawpizy cha akaw thei ei ta,nahpâpa nata mochaopa ta azo ta ama hmôpa nata ama theipa cha reih ei ta, nahpâpata ama lâzie hawhta thlai lâh ta, amochaopa ta Viadawh, Dawkho nata Taidawh ama tôpa patla dâh hawta napâpa lâpa cha patla ta, zawpi ta moh ei ta, apha tah ngâsâ ei ta, he rakha tawna heta cha abei macha ri ahâ theipa, Seih nata Viachao athie theipa maih liata ama lâpa lyma ha bâ a ma tah. Chavata, athi lâ he Tisi kaopi ahripa tawhta lâ apuapa a cha ama tah.
He lâ he athipa thlahpa athi khih la a sie daihti liata ahmia akai thei n’awpata ama palyupalihpa a cha.
(4.) HMIAKHUPATI LÂ : Hmiakhupati Lâ he athih lâ chhâkhana a châ. Taikao, Taikao, Taitaikao, kaotaitaikao, Taitaikao, Taitaikao( Repeat) tahpata Taidawh ama tô.
(5.) CHAOCHHIPA LÂ : Chaochhipa Lâ he athih lâ chhânona a cha. Daw tô dâh : Sachao, rachao, rochao, chaorochao (Repeat)
(6.) ZAWCHHYPA LÂ : Zawchhypa lâ he athih lâ chhâthôna a châ.
Dawhtô dâh : Pibô , Pibô, Pipi bô, Pipi bô, Pi bôbô Pi bôbô, Pibô pipi bô tahpata tô ei ta, ‘Satlai , satlai lôsatlai, Sipu Satlai lôsatlai’ tahpata ama sa ty hra.
(7.) RAKHÂTLA : Marapa manô mapaw zyta ‘Rakhâtla’ ama vaw tahpa he , Ramawh y leina, Ravaw , Arih, Amôh zy yna su liata za pahrâ tua ei ta, chavata Arih he Sapali (4) ta patlaw ei ta, ama patlaw hlâta cha ‘Arih’, châ ta, ama patlaw tawhta cha ‘Rakâ’ ama vaw tah haw, “tla” tahpa he mie zy, viachao tawh zy châki zohpata amâ zawvo hawpa he “tla” ama tah. Chavâta ‘Rakâtla’ tahpa a cha. Rakâtla he Mara pata chithô (3) hnei pi ta, cha zy cha :- Raka abaota ama chakhypa, apieta ama chakhypa nata aliah liata ngalâh ta ama chakhypa tahpa ta, sâthôh eima hnei, chazy cha ‘Sawzaw Raka’ ‘Sathaw Rakâ’ nata ‘Kharia’ ama vaw tah . Chapaw pakha nata chanô pakhata tla ei ta, chanô heta Baliepa a chaba.
Rakhâtla he a thihpa ri a sie chyta ama tlapa tyh, he he athihpa thlahpa palyupalina nata athih khih hawka liata siena dâh pachuna sakha hawta pachâpa a cha. A thih lâ ama lâpa liata ngalâh Rakâ he tlapa a châ.
(8.) AZAO LÂ : A zao la he a ao sanota sa theipa a châ. Ao palôhlie kawpata sapa he athihpa ri a sie chyta ama sa tyh. Thokha ta Haoma nata Vangia ama chhaina nata amâ vâna hla ta pathao ei ta, Hlichhy nata Hly-a avâ-iana ta chhao pazao theipa a châ hra.
(9.) ODÔHPA LÂ : Odôhpa lâ nata hla he Marapa satlia nata laihsazy apalypa-uasana lâ a cha. Zâ ta lâ tyhpa a cha, Marapa chi nata pho pi cha, lyu tao ta py âchyhpa eima châpa vâ ta, chi ama cheipa sathei hmiatuapa, kô vei tuapa- satôpa nata chhâmeih niebaw ahnei viapa chhôhkhazy cha satlia nata laisa zy ta vaw patohpatiapa ei ta, cha cha satlia nata laihsazy apahrua ei ta, azo ta ama o lâ va ngaipata, ama ozy dôh ei ta, zâ chhôhkha hlasa khohtôpata lâ ei ta, khideina taihta ama lâ tyhpa a cha. Ohneituhpa azinô liata ochhôh angia pasaina hiah ei ta, pasaina ama hmô khai tawhta chakohta lâ ‘Alekieky, Liakie ky’, tahpa lâ tawhta ama pathao tyh . He khai tawhta , sa-ia hla sa ei ta, hmiakhupati ama lâ. Ama hry liata hati viapa nata satlia laihsa noza apasôh viapazy ama palypa-uasana châ ta , thairipupa lâ, mathyupa lâ, Saitlei lâ, Mathliethlanô lâ, Vacharinô lâ, Vao-ietlo lâ, Sakicheihpa lâ, Zawchhypa lâ zy ama lâ tyh. Achô liata palâsapa lâ zy khi odôhpa lâ chhoh liata atlôhpa sai a cha.
(10.) SÂH-IA LÂ : Sâh chheikha tawhta a chô lâ ahnei theipa chhôhkha zy ta sâh he ama –ia tyh. Vaothaw thiepata akhih pi châta kyhchhina ama tao tyh. Sâh-ia hla he a ao ama pathao chhei khiata cha, sâh a iatuhpa chhôhkha liata thina a y awpa hawhta khâchâ ama pachâpa vâta, Sâh-ia hla apathao thaipa ama hrua tyh, ama khih liata apathao thaipa ama y vei khiata cha khih hro lâta athaipa amâ chhaopata ama hrua tyh. Azao hla ao ta ama sa pathlei khiata cha, athihpa hla a châpa vâta chhôhkha liata thina atlô aw tahpa ama chi kaw.
Marapa ta kô kha sâh nata satôpa chheikha tawhta a chôla ahneipa cha ama –ia thei. Ia tahpa he alyna thaphana dei cha leipata, chicheipa byhna apie he theituhpa kha lyurahripa hawta ama pachâpa vata, lyurahripa hnota athei na hlâna nata palyupalina, hmialâ châta byhna awna nata lyurahripa palôhpatlâhna châta tao tyhpa achâ.
Nopawzy reizie ta cha, Sah-ia lâ he mara hawthai tawhta apuapa ta reipa a châ. Hawthai chi chhierâh khih- atahma ta khabôh khih kiapâh liata ama pahrâ nota lôchei nata hawthai rahri liata lyupi yta, he liata lyu tao ei ta, sah nata satôpa thata pavei ei ta, chavâta he rah he “Fa-o râh” ama tah.
Sa-ia la he ama la awpa no ta tlyhmia liata aphie pha ei ta, apthao thaipa chapaw pano ta atyuhmahua kho yto aei y, hehawhta ama pathao
‘Vesi thaona Fa-o râh le,
Linga thaona zeita hnaw le,
‘azei cha ma, Hrapheh cha ma,
Fah thaona e, manô sie râh e,
Phe ma pazaita la e,
‘Azei hnaw la, Hraphe hnawh la, thahaoh la,
Linga tai sala ta tihnawh daih e.
‘Vesi sau khazie ma a cha tah khe la,
Cheidô puchhi hraikhô sana tah ma e,’
Lâ dâh :- Pathaotuhpazy ama khoh chhaota akaw dua ei ta, alâpenawh cha chanô chapaw ta a i-âh ei ta, achaku khai pata hla nata kho patlapata amâ chanei. Chapaw pakha lâpâ laihna chôta a lia lâ vaw pua ta, chanô panota vaw pazi laihpata ahnoh lâ tawhta ama khia.He lâ he lâ ru kawpa châ ta, adua lâlao lei, atyu lalao lei tahpa achâpa vâta alâ patlô theipa y tla leipa ei ta,â thla ta amâ thla ty.
(11.) OPICHHEI LÂ & PAKHUPI LÂ : Hlano manô mapaw zy daihti liata cha yzie hneipata osapa achâ tyh. Osa ei ta, ngiahrai pathliapa o, tota laihpaw o he opi a sa tah ei ta, othiehpa alyna châ ta, seih thiepata kyhchhina ama tao tyh. Chyhsa thokha reizie ta cha ‘seihtôpata na opi akiah’ ama tah. He hawhpa noh ta lâ pa he opichheilâ a ma tah.
(12.) BEILÂ : Beilâ he opi asa ei ta, ngiahrai pathlia ei ta, sava dao ei ta, piaphaw chhôh ei ta, he liata kychhina ama taopa he ‘Beita’ tah ei ta, vao thiehpa rei leipata achyh chaipata seih poh 3 ama thie awpa a châ. Cha cha ‘Beita’ ama tah . He khai tawhta ‘lythla/lytu’ tah heih ei ta, he he ‘Beipi’ ama tahpa cha a châ. Beita nata Beipi liata Beila he lâpa nata hla sa tyhpa a châ.
Marapa dykhata kychhina laichaipa nata achhâna cha, ‘khochei’ he a cha. Beipi khai tawhta khochei theipa a cha. Beila hla “ Chiachipaw, thla beipi nohsa chala, lozaolao ta thlaisa lei e’ ama tah.
(13.) AWKHYPA HLA : Awkhypata Awhpinô a chariana nata akhiahly nota yzie hawhta lâpa a châ. Marapa ta hla eima hnei tuachaipa cha Nawh hla a châ. Apazipa he Awkhypa hla a cha. Awkhypa hla he zawpi pôhpakhy noh nokia noh tlyma salu-ia noh tlyma niedohna su liata tlyma , sa typa a cha. Manô mapawzy daihti nota cha ama lâ khochaipa chi sa typa a cha. Thapha alyna kyhchhi nozy he ta Awkhy hla he ama sa tyh.
Satlia nata laihsa alyliana nata va-iaparôna hla a cha viapa vata satlia nata laisa zyta ama sa via chai tyh. Hlano Mara satlia nata laisa zy cha veih athla n’awpa nata lyubie ahlâ n’awpata hla he hma tyh ei ta, hla lilaw ta amâ chhy palie tyh. Atlâhpipata ama hla he tlâh 3 tlah 4 ahneipa achâ tarawpata ahla bie deikua akichochâ kaw ta, yzie hnei pathu ta, apahly kaw ngâsâ. Achâhta ataochhiena zy, apalaina hla ta zy nata areisina hla ta, khei hawpa rai hlata ama hmâ thei. Chavâta Awkhypa hla he , hla âkichocha chaipa a cha.
Awkhypa hla he marapa deileipata cha chi hropata ama hneipa pahnopa châ vei, marapa pahrâna lia maihta sa pa a châ. Ti nata tlâh reihzy anano laipa hawhta bâhta ta ânano laih hra.

Awkhypa he pithai kaw ta, ariah pha ta, Awpinô zy, awtachhi zy hry liata laichai ta, “Keima râh, keima eih” tahna chô ta su sa viapa lâ kiah ta, amathlaw chabaih ta, akho tyh. “Nâ ngâhpa avy teh u, he liata ei y” tahta,’ei laina râh’ atahna a cha.Awkhypa piezie he yzie hnei ta, daihti chhao apahno. Khideichy ta kho tyh ta, minute sakha hmah chhei leipata adaihti ta liata a kho tyh.
Marapa ta chapaw hawti moh ama bi khiata cha “ I paw aw tawla—Awkhypa khohta kho la” ama tah. Hla sa thai la, bie rei thei la, na ao paro sala, na riah pha sala, na thâ pathâh sala’ tahna a cha.
Chapaw Hla thai bie thai riapha thatlo pazy cha ‘Sawhmei khydi,Kahrie khydi, Khihlia khydi’ ama ta tyh.
Chavâta marapa chipho liata Awkhypa hla nata lâ he eima hmâh hlu chaipa a châ.
Source: V.Choza

Monday, 2 March 2015

ECM KTP Tisopi Choir- Tlopa ngiatiava

Composed by: T. Siatha

1) He khizawh hela rah hlopa chavei
Meido khola na khi pahana a y
Ei rohpady tyh chatlai sawzy kha,
Reithaina ngialei hla sapa ei kho

          CHORUS
          Tlopa ngiahtia va, tlyhzaw laina rah;
          Chhona za y vei, va angel zy chhao
          Mietahku tawh, Beipa cha reithai ta
          Pahniena hla sata chareipa ei kho

2) He lei ei sah pa, he thi hraw sala
Pacharo na khizawh he sie sai pata
Ku ta sapa leipa ngokhipi liata
Va angel zy chhaota, chareipa kho

3) Cha rah rohna pa, eitlo tihta cha
Machhie sanazy na, pacharona zy
Y khao vei cha rah ronapa lia
Sie tuahpa zy hmia hmo khai ha awpi

4) Va jerusalem eima tlo tih ta;
Paw khazoh chacha la a tyh awpi
Lakho ronapa cha akhopa  tah
Chatlai sawzy chhaota hla pary awpi




KTP Branch Elda Hlapy - Padua pathi ei suh u


Composed by: J. Lykhu

1) Bei krista tah a, Awnanopazy pi
Mia aw tuhpa khozie pacha khao leipa tah
Abie hmeiseipa, hnochhy ha pita
Adona zy eima tlei sai haw

          CHORUS
          Abeipata atlua papua pa rah lia he,
          Ryu reihna, dopa vapi hawta lo sala
          Adona, siana zy lobei  leipa tah
          Abeina rah thiepa padua pathi suh.

2) Eima rah nata khitla ryreina lia
Hara rietheipa zy chata su y khao vei
Kypachana zy dia khai ha bata
Ao hraota tohta eima bie haw

3) He lei lia avy tah ly acha pazy
Abie tla aw kheita ama chakhei pata
Parisai zy haw thlachha tyh hrei si
Eima chota, paw palo tla vei.



KTP Branch Chhaolo Hlapy - Khazoh ku hria

KTP Branch Chhaolo Hlapy - Khazoh ku hria



KTP Branch Tipa Local Hlapy - Zisu krista cha Abeipa acha

Composed by : RC.Beilaizi Bohia

1) Zisu krista cha marasawzy chata Beipa a cha,
Ano leipa ta lei nata va lia Beipa hropa hnei mapi
Ano tlaihta chi nata pho ta mia a padua
Bei zisu, Bei zisu krista cha eima Beipa acha

            CHORUS:
            Bei zisu cha ABEIPA acha (2)
            Pahnie na, papua sai
            Bei zisu krista cha ABEIPA acha (2)
           
2) Awnanopa na rah ryu reina lia zisu Abei chai se,
Ryu reina cha zisu ta acha ba khiata cha
eima rah byuhna hlupi ato ha aw
Beizu

3) Bei zisu krista
Ano ta ama chi nata phozy abua khei aw.
Cha vata Beipa zisu krista cha buakhei lyma suh
Eima chi nata rah chata Abeipa cha maw syu




KTP Branch Theiri Hlapy - Sah zy amai haw

H

ECM KTP SIAHATLAH

h


ECM KTP COLONY SIAHA

H


ECM KTP SHALOM SIAHA

H\





KTP Tisi Local - Lyu he khizaw acha

1) He khizawh molei zona tawhta mania aw tuhpa
Awna ao chata achakaona rai hria hra awhpata
Na  na kei he mania a aw.

           CHORUS
           Sai tua sah hria adai haw ahriatu awpa deikua ama chy.
           Nopi pawhpi pa zy ta hria thei khao vei ei
           Thyutlia riapha pa zy hriana daihti acha
           Za acha hria thei khao mapi

2) Beipa zisu ta bie mania apie pawta kei natua eichatua hra ei
Khizawh zydua liata sie lai ula
Thatihpha chho hra teh u.

3) Khizawh lyu acha, chhazaw eima pahra na suh cha vei
Khitlyna acha nohro o phapa to thei nawh pata
Hriapasa via lyma suh



ECM KTP SIAHA COLLEGE VAIH

Composed by : Fc. Minela

1)He khizaw rahpatho lia
Eima chachho heta
Raihthli chhao chhaina bie reih tyhpi
Loh ngahna bie reihthai y mapi
Leimo chyhsa hry liata

CHORUS
Beipa hmia ahmo hapa zy
Chhaina bie reih khao vei ei
Lypa ta, charei ei
Pasana tao khao leita

2) Lokhy viasazy nata kypacha zy chhaota
Lyta akao kho tyhra ei sila
Lyta a kao kho hrei ei sila
Lyna cha paw haw vaw lo pata
Raihthli chhao achhai hei pi

3) Khizaw he hno chhy pata
Sietuapa zydua kha
Sihno vawkua paraih y vei ei
Heileipaw zisu cha thlie pata
Lei hro rai va khao vei ei


ECM KTP SIAHA VAIHPI

h


ECM KTP Colony Siaha Hla py

kj


\

Wednesday, 25 February 2015

Vasty T Azyu - Alie rili


1) Pawla Di tlua ta khydi kho vaw pathlia laina
Lodu na haw chhoso lo lia rie theitla vei ei
Hrozo chhakha pawla Di hruata vati ahriala pi
Chyulei vati hria taozie thaiva lo apasa

                   CHORUS:
                   Alie rili, alie rili chhoso loh alie
                   Chosu lei vati hria apasa rima cha
                   Khazia vati eichaw hria la tly ie
                   Ei phulei eiti thei lei ei chyu thei lei lo eirie chai
                   Khazia ma chhaolei cho lia eivaw pi hra bao tly

2) Hnazo chyulei vati hria taozie thai aru rima cha
Kheita e, ei reih aw, kheita ei chho lai awtly
Achhoso lo pahno khai, awpa eiza byu tyh bao cha
Ei khiahlo anga rima khazia ei vaw pitly

3) Ei chohiava na sadu hrabao hnaita ei loduh paw
Na pati sa ary vei tlyma lo apasa
Kheita e eirei aw tly , kheita e ei chholai aw tly
Khazia ma, chhaolei cho lia ei vawpi hra baotly.!


Vasty T Azyu - Ava ziza

1) Hnola daihti zy eiro pady cha
Khotua no zy naza pathei sa
Aw hra sila vawkua thaipa
Cha rima khao tlova

               CHORUS:
               Rianai nazaw kheita lopi na phao
               Lyubie eima pary chiepazy kha
               Chhazaw chata na tai tlo chi
               Cha hrasa hnola na chhy tlo chi
               Ava ziza liama alei aw.

2) Ei laila zy duahta naw tao khei sai
Na thangiana zapai thei aw ma.
Na tao khei hrawtlo va chhoso
Mei thapi hawta azaw

3)Noh nata daihtizy lytla kho ei
Na thangiana kho khei thei hra tlova
Atao zie thai khao vana
Na thangiana ei chhoso lia


Sunday, 22 February 2015

Kalvary Hlychho- Ty hei hnabeiseipi Lyrics

Composed By : F.c.Minela

1) He aleirah liata lokhyzy chhao
Mothli tlana chota chhaihna bie rei tyhpi
Taothai aru bao cha.

CHORUS
Va ngokhipi liata chhaichipa zy nata
Ty hei hna beisei pi
Chhaina rai y khao aw vei.

2) Khizaw hnochhy pata sie hapa zy
Ama chhoso lo lia lokhy viasa zy he,
Mia ama vaw thei hraw va ma.

3) Pasai leina chota chhaih chie pazy
Lokhy bie rei pata khati hnazo khochhi,
Lyta ty hei aw tly?